كشافه رؤساء الملائكه

مواضيع شيقه و عامه على كل المستويات
 
الرئيسيةالبوابةبحـثالتسجيلدخول

شاطر | 
 

 مذكرات بنوتة

اذهب الى الأسفل 
كاتب الموضوعرسالة
reka_2m
عضو مستجد


عدد الرسائل : 8
العمر : 32
تاريخ التسجيل : 11/12/2007

مُساهمةموضوع: مذكرات بنوتة   الأحد مارس 02, 2008 1:07 pm

انا فاكرة إن في سنة تانية ثانوي .. كان منهج الفرنساوي طول السنة بيتكلم عن المرأة ! ..
المرأة العاملة والمرأة ودورها في المجتمع ! .. لكن أكتر جزئية كنا بنحب نتكلم فيها هيه: مساواة المرأة بالرجل ! ...
كانت مُدرِّسة الفرنساوي دايماً بتقول لنا إن المرأة هيه نص المجتمع .. وبالتالي لازم تتساوى بالرجل في كل حاجة ! .. في البيت وفي الشغل ! .. وكانت بتؤيد عمل المرأة عشان جوزها مايتحكمش فيها .. ولو إعترض على حاجة .. تقول له: (بفلوسي!) .. وكان كلامها ده بييجي على هوانا جداً بسبب غضبنا من تمييز الأهل للولد عن البنت في المعاملة ! ...
من الناحية التانية في حصة الدين .. لما كنا بنتناقش مع الميس في موضوع مساواة المرأة بالرجل .. كانت دايماً بترد علينا من الكتاب المقدس .. فتقول: }"قال الرب الإله: ليس جيداً أن يكون آدم وحده، فأصنع له مُعيناً نظيره" تكوين18:2 ..
"معين" يعني مساعد .. مش يعني مدير ! ..
و"نظيره" يعني زي بعض في الإيمان ! .. "أن الرجل ليس مِن دون (أقل مِن) المرأة، ولا المرأة مِن دون الرجل في الرب" كورنثوس الأولى11:11 .. فلازم الزوجة تحترم جوزها !{ ...
ماكانش كلامها بيعجب طبعاً ! .. وكنا بنتهامس ونقول: المس دى باين عليها بتشوف أفلام "سي السيد" من ورانا !{ ...
# كنا بنقول لها: }الستات في الغرب واخدين حقهم تالت ومتلت .. ومع كده مش مكسوفين يطالبوا بمساواتهم بالرجل ! .. لكن شوفي حضرتك "راجل البيت" في الشرق بيعامل مراته إزاي ! .. مش لما الراجل يحترم مراته .. تبقى مراته تحترمه ؟!{ ...
- كانت تقول: }عشان الزوج يكون فعلاً "راجل البيت" .. لازم الأول يكون راجل ! ..
الرجولة مش كلمة "ذكر" في البطاقة الشخصية ! .. ولا الرجولة صوت عالي ولسان طويل ! .. ولا بنطلون ساقط ! .. ولا شعر طويل وغويشة وعقد ! .. الرجولة احساس ! .. شعور بالمسئولية ! .. قدرة على الاحتواء ! ...
وحتى لو شريك الحياة مش فاهم كده .. برضه غلط الآخرين مش بيبرر غلطنا ! ..
ماينفعش إن الشخص يقول: (أنا هابقى واطي مع الواطي .. وهابقى محترم مع المحترم !) .. لأ ! .. "أيتها النساء كُنَّ خاضعات لرجالكن حتى وإن كان البعض لا يطيعون الكلمة "بطرس الأولى1:3 .. لأن الشطارة مش في إنك تفرضي رأيك .. لكن في إن جوزك يحتاج لرأيك ! .. وشطارتك كمان هاتبان في سكوتك في بعض الأحيان ! .. "يُربَحون بسيرة (سلوك) النساء بدون كلمة" ...
حطي في دماغك إن الراجل هوه طفل كبير ! .. ودايماً محتاج رعاية وتشجيع ! ..
لو حطيتي راسك براسه .. هايعند ! ..
لكن لو حسستيه بإنه الكبير .. هايسند ! ...
في موضوع الخضوع .. دايماً المرأة عندها مشكلة ! .. أصل لما إبليس وزع الكبرياء والتمرد .. حوَّا أخدت نصيب الأسد ! .. عشان كده الكتاب المقدس بيركز على نقطة ضعفها وبيوَصِّيها تخضع لجوزها وتحترمه ! .. وبما أن ربنا قال: "الرجل هو رأس المرأة "أفسس23:5 .. فاللي مش عاجبه الكلام ده .. يبقى بيعترض على الترتيب اللي وضعه الله نفسه ! ...
لكن في موضوع الحب .. مافيش آية واحدة بتطالب المرأة إنها تحب جوزها لأنها لما بتحب مابتتوصاش ! .. عكس الراجل خالص لأن الراجل دايماً عنده مشكلة في الحب والعطاء ! .. أصل لما إبليس وزع الأنانية .. آدم قال: (سيبوهالي!) .. عشان كده الكتاب المقدس كتير بيوَصِّيه يحب مراته ويعاملها كويس ! ..
من ناحية عشان آدم يتعلم يدِّي ! .. لأنه من صُغره متعوِّد ياخد حب وعناية من أمه .. ومستني من الزوجة إنها تكمِّل دور أمه لكن بأقل عطاء ممكن من ناحيته ! .. أصل الراجل تاجر ! .. بيدوَّر على الشروة الكسبانة ! .. اللي تجيب أكبر ربح بأقل تكاليف ! ..
ومن ناحية تانية لأن الله خالق حوَّا وعارف إن الكلمة الحلوة هيه الدينامو اللي بيحركها !{ ...
بيتهيألي الفرق واضح بين رأي العالم ورأي الكتاب المقدس ! .. ولا يصح إلاَّ الصحيح ! ...
~~~~~~~~~~~~ ~~~~~~~~~
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sallymessiha
عضو مميز
avatar

عدد الرسائل : 156
العمر : 47
تاريخ التسجيل : 23/02/2008

بطاقة الشخصية
كشاف:
12/12  (12/12)
دينامو المنتدى:

مُساهمةموضوع: رد: مذكرات بنوتة   الأحد مارس 02, 2008 1:26 pm

ميرسى على الموضوع الحلو ده
وبالرغم من انى ست ومتجوزة
الا انى معاك قلبا وقالبا
الله يعوضك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
capten-peter
Admin
avatar

عدد الرسائل : 57
العمر : 32
تاريخ التسجيل : 10/12/2007

بطاقة الشخصية
كشاف:
12/12  (12/12)
دينامو المنتدى:

مُساهمةموضوع: رد: مذكرات بنوتة   الأحد مارس 02, 2008 1:40 pm

شكرا ياريكا و بجد وعد رجاله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://kashafty.ahlamontada.com
tito_loveusa
Admin
avatar

عدد الرسائل : 8
العمر : 33
تاريخ التسجيل : 11/12/2007

بطاقة الشخصية
كشاف:
12/12  (12/12)
دينامو المنتدى:

مُساهمةموضوع: رد: مذكرات بنوتة   الخميس سبتمبر 11, 2008 6:37 pm

ميرسى ياريكا على تعبك معانا ...
وربنا يستر علينا احنا الرجالة من موضعاضك دى ...
وشاكرين تعب محبتك معانا .
بيشوى ...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مذكرات بنوتة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كشافه رؤساء الملائكه :: الشبابيات :: ا :: شبابيات-
انتقل الى: